肌戒毒～九月份記錄

21/9/2014

肌戒毒92天 （塗油 72天）

唔經唔覺，原來開始左肌戒已經三個月啦！

時間比我想象中快呢！

這段時間，皮膚重覆泛紅，甩皮，長暗粒，至現在感覺還能撐下去。

感激網友Tracy的關注哦！我相信我下個月開始會用瑞昇產品的！

（因為呢個月開支太大了！希望九月出糧可撥到錢買啦）

而從微博，更見到更多肌戒毒分享，從中更堅定了自己的意志。

很期待下個月可以開始用產品，希望毒能快快排出⋯

--------------------------------------------------------------------------------------------------------

重整

我需要重整一下自己。

由前一個星期開始，感覺到自己失去了運動的動力。

而上個星期，period又早來了⋯剛好給自己一個喘息的空間。

Period早到這回事，我需要正視。

我本來巳suffer貧血，而period週期為26 day 1 個cycle。

這兩次period 更早到，這次 24天便來了。

感覺很差。假如以為每次也早到，比起正常28天 1 個 cycle ，我每年會比正常人多來兩次 m.

嘗試查閲中醫書籍，我可能是因為氣虛而致 period 早到。

唉⋯

我需要調理身體。

說回運動，

其實，我自己也搞不懂自己的心情。

我嘗試到書局再吸取多些 keep fit 及養生的資訊，感覺有點幫助。

這個星期，目標希望做到保本3天運動（也讓 m 后的身體回回氣）。

加油！

唉⋯

感覺好差⋯唔知點解，呢個星期完全冇心情做運動。

到昨天為止，呢個星期只運動左兩日⋯

我同自己講，保本缐一星期起碼要運動到三日。否則一懶下去，好快又要由頭開始過。

唉⋯我究竟發生乜野事？

冇mood 冇mood 冇mood..................

為左FIT，我可以去到幾盡？～運動五星期了！

運動左五星期，感覺已經習慣了～肌肉冇左酸痛的感覺啦！（頭兩星期真的很難挨⋯)

所以先可以叫自己日日keep住做。

對我黎講，最大的阻礙莫過於M come.

Period時實在太攰，我多數會比自己抖幾日。以前的運動計畫，我好多時會敗喺period上，因攰得濟而懶做運動⋯一懶，便會繼續懶。

所以今次我覺得自己算勁！

雖然period早左黎，我只係抖左3day，之後再開始運動。

由3/8/2014到今天（5星期），我運動了22天。

而運動以跳鄭多燕為多。

感覺除了肚腩位，手臂和背瘠是結實了！

而這22天最強的是，

我終於第一次成功晨早6點起身，在返工前完成50分鐘快步！！

但感覺真的很累⋯

不瞞大家⋯其實呢次能成功起到身，係因為之前一晚根本瞓得差。

雖然我已11：30pm上床瞓，但去到2：00am都未瞓到。

半夢半醒間，再醒已經5：45am了。我喺度諗，就算比自己瞓多個幾鐘都無補於事⋯倒不如起身運動。

於是我6：00起身，搭6：20am班巴士，於7：00到達健身室，完成50分鐘快步。

仲要9：00am前準時返到office。

其實返工前運動，是可行的。

不過，我希望下次我可以瞓夠才進行⋯

堅持⋯

再堅持！